Nadiskobrehan ang mga lamok sa Iceland nga unang higayon kini alang sa maong nasod nga isla, nga dugay na nga nailhan nga usa sa pipila lamang ka mga lugar sa kalibutan nga walay lamok, sumala pa sa usa ka tigdukiduki nga gihinabi sa mga tigbalita.
Nasayran nga tulo ka Culiseta annulata nga matang sa mga lamok diin duha niini mga babaye ug usa ang lalaki. Sumala pa nga nakita ang mga lamok sa 30 kilometro kon (20 milyas) sa amihanang bahin sa kapital sa Reykjavik, sumala ni Matthias Alfredsson, usa ka entomologist sa Natural Science Institute of Iceland.
Nasayran nga lakip ang Antarctica, nga kauban sa Iceland nga walay lamok nga lugar sa kalibutank.
Sumala pa sa mga eksperto nga ang ilang presensya posibleng nagpasabot nga bag-ohay lang kini na-introduce sa nasod, posible pinaagi sa barko o container nga nadala apan kinahanglan pa og dugang nga monitoring inig-abot sa tingpamulak aron masuta kung mopadayon ba kini og pagdaghan.
Usa usab sa mga ginalantaw nga hinungdan sa lamok s amaong lugar ang pagsaka sa temperatura, mas taas nga ting-init nga hinungdan sa klima nga nagbag kon climate change nga kini nagmugna og mas paborableng palibot alang sa pagkabuhi sa mga lamok.
