Naglusad na karon og lalom nga imbestigasyon ang mga kapulisan kalabot sa pagpusil-patay kang Kapitan Brendan Castro gawas mismo sa Barangay Hall sa Cateel Davao Oriental, kagahapon.
Kini ang mando ni Police Regional Office XI Director Nicolas Torre III aron matagaan og hustisya ang hinanaling kamatayon sa kapitan.
Giila ang maong biktima nga bana ni Davao oriental Board Member Tata Castro ug bayaw ni Cateel Mayor Emilou Nuñez.
Sumala pa sa nakuha nga cctv footage sa mga otoridad atol sa maong panghitabo, samtang anaa gawas sa barangay hall si Castro, kalit na lang kining giduol sa wa maihing duha ka indibidwal sakay sa motorisklo ug dayon kining gipusil makaduha nga maoy hinungdan sa iyang hinanaling kamatayon.
Dali nga nakasibat ang duha ka suspek sa wa matinong direksyon human sa maong panghitabo.
Wala usab damha sa pamilya niini ang kalit ga panghitabo ug gipasalig na lamang sa labawng makagagahom ang ginalusad nga imbestigasyon aron manubag ang kinsa mang nagpaluyo niiini.
