DAVAO CITY – Gimando karon ni Sarangani, Davao Occidental Mayor Virginia Cawa ngadto sa otoridad nga siguruhong hugtanon nga ipatuman ang pagpatuman ug quarantine checkpoints sa tanan nga mga entry ug exit points sa matag Barangay municipal-wide, ingon man magpahigayon ug sanitary inspections diin hatagan ug prayoridad ang mga apektadong lugar kini aron masiguro nga mapailalom sa tukma nga decontamination ug regular ang pagsumite ug report pinasikad sa status sa operasyon matag semana.
Kahinumduman nga hugtanon karon nga gidili ang pagsulod ug pagpagawas ug mga buhing baboy sulod sa munisipalidad ingon man pagbaligya ug mga pork meat ug processed products.
Tipik lamang kini human nga ulahing insidente nga adunay binuhing baboy sa lugar ang nagpositibo sa African Swine fever (ASF).
Gipagula ni Cawa ang Executive Order No. 26, Series of 2021 nga nagmando sa temporaryo nga pag-ban sa pork ug ilang mga by-products human nga ang mga binuhing baboy sa Barangay Tacul, Balut Island ang nagpositibo sa infection.
Sa gipahigayon nga laboratory test sa Philippine Genome Center Mindanao sa mga samples sa baboy gikan sa Barangay Tucal, Balut Island, na-detect nga nagpositibo kini sa ASF. Sa kinatibuk-ang anaa sumala pa sa 28 ka mga hog raisers ang apektado karon sa hog virus sa lalawigan.
Una ng nasayran kang Armie Capuyan, Focal person for ASF, DA-11 nga wala nay gipahigayon depopulation sa mga baboy sa lugar sanglit nahurot na kini ug kamatay.
Gipasalig sab sa Department of Agriculture (DA)-11 ang ihatag nga hinabang sa mga apektadong Hog raisers.
Pipila sumala pa sa mga gihimong lakang karon sa DA-11 aron nga kapugngan ang pagkaylap sa ASF sa lugar mao ang pagdili sa pagpasulod ug mga bihuhing baboy sa lugar ingon man mga meat products.
