DAVAO CITY – Gumikan kay sagad nga makasinate ug mga pagbaha ang lalawigan sa Davao del Norte ilabi na kung mobundak ang kusog nga ulan, gipalig-on pa karon sa Provincial Disaster Risk Reduction Management Division (PDRRMD) sa Davao del Norte naghimo og lakang aron ma-andam ang mga katawhan sa mga posibleng kalamidad nga muabot sa probinsya.
Tipik lamang kini dungan sa kasaulogan sa National Disaster Resilience Month.
Gawas sa training, nagpahigayon sab sila karon ug uban pang mga aktibidad nga mohatag ug dugang nga kaalam ngadto mga responders aron nga mas mamahimong alerto ang mga nahisgutan.
Gipanghatag sab sila ug mga materyales ingon man hard hats nga ilang magamit panahon sa emerhensiya.
Una ng nasayran kang DavNor PDRRMD Officer IV Glenda Delideli, anaa na sa ikaduha nga hugna karon ang pagpanghatag ug IEC materials ingon man hard hats sa mga buhatan sa probinsiyal nga kagamhanan.
Gitino sab sa opisyal nga kinahanglan nga hatagan ug prayoridad ang mga kawani sa gobyerno ilabi na nga gikonsidera ang mga nahisgutan nga mga “first responders” panahon sa kalamidad.
