Lalaking way trabaho, gisilaban ang magtrato sa Bangkok, angol!

Angol ang managtrato sa Bangkok nga igo ra nagbaksyon human nga gisilaaban sa usa ka lalaki.

Sa nahimong imbestigasyon sa otoridad, gibubuan matud pa sa 30 anyos nga lalaking suspek ang magtrato og paint thinner, dayon gisindihan gawas sa usa ka merkado niadtong milabay nga adlaw.

Subay sa rekord, giila ang suspek nga si Warakorn Phabthaisong ug giangkon nga natress lamang siya gumikan wala matud pa kini trabaho rason sa kawad-on sab niini og pagkaon nga makonsumo.

Ang mga biktima giilang sila Ong Yik Leong and Gan Xiao Zhen nga naabtan pa sa mga nakasaksi nga nagkalayo samtang nagligid-ligid sa kalsada aron mapalong ang kalayo.

Hinoon, anaa na sa luwas nga kahimtang karon ang mga biktima ug mag-atubang og kasong assualt ang suspetsado.