DAVAO CITY – Arestado ang usa ka call center agent sa may Dacudao Avenue, Davao City sa miaging adlaw tungod sa salang pagpanghulga sa iyang kanhi niyang karelasyon.
Giila ang dinakpan nga si Aldwin Ybas, 43 anyos, residente sa Barangay Talomo, Davao City.
Sumala sa report, gireklamo sa usa ka babaye nga kanhi karelasyon ang suspek human misuway nga nag-blackmail nga ipakatag kuno ang ilahang sex video ug ubang mga law-ay nga mga litrato kon dili siya musunod sa gusto.
Nagpahigayon dayon ug entrapment operation ang mga sakop sa Sta. Ana Police Station ug Regional Anti Cyber Crime Unit 11 aron madakpan si Ybas.
Nakuha sab gikan sa iyang disposisyon ang upat ka flash drive, duha ka CD, lakip na ang lima ka mga pakete sa gidudahang shabu ug ubang hinagiban.
Mag-atubang karon ang suspek ug kasong Republic Act 9165 kon Comprehensive Dangerous Drugs Act of 2002 ug Republic Act 9995 kon Anti-Photo and Video Voyeurism Act of 2009 ang nahisgutang suspek.
VIA || Bombo LJ Florendo
