Nagisi ang nawong sa usa ka pump boy human nga gitigbas sa kustomer samtang nagpagasolina sa Purok 13, Brgy. San Miguel, Tagum City, Davao del Norte, Oktobre 13 ning tuiga,pasado alas 12 ang takna sa kadlawon.
Subay sa inisyal nga imbestigasyon sa kapulisan, igo ra nagpatubil ang suspek, apan kalit niining gitigbas ang biktima sa nawong rason nga nakahiagom og nagisi ang nawong sa pump boy nga giilang si Nasser Bituanon.
Hinoon, gilayong nakadagan ang biktima ug gitabangan sa mga nakakita rason nga nadala kini sa balay tambalanan.
Samtang, ang suspek nga giilang si Rodolfo Cantiveros anaa na sa kustodiya sa kapulisan.
Gibutyag sa suspek nga nabuhat lamang niya ang krimen gumikan nag-aburido ang ulo niini gumikan sa kadaghan sa problemang ginasagubang lakip na ang pagpalayas kaniya sa tag-iya sa kwartong iyang ginaabangan.
Sa naunang pahayag nga giluwatan sa suspek, gibutyag matud pa niini sa kapulisan nga gikasab-an matud pa kini sa biktima gumikan P60 lamang ang makuha sa usa ka libong kwarta nga iyang gibayad rason nga way sinsilyo ang gasolinahan.
Human nga gidunggab kaisa sa suspek ang biktima, nakahigayon pa kining makadagan ug makapangayo og tabang gikan sa mga nangagi.
Gilayon sab nga gitabangan kini sa mga nakakita rason nga nauwang ang suspek ug ang biktima.
Sa karon, padayon pa nga nagapaalim, samtang ang suspek daw wala sa kaugalingon human nga nadakpan ug wala sab matud pa kini nagmahay sa iyang gibuhat.
