DAVAO CITY – Naputlan og kinabuhi ang usa ka usa ka 45 anyos nga lalaki human siya nadunggaban sa Sitio Kulafu, Brgy. Magsaysay, Marilog, Davao City.
Sumala sa Marilog Police, giila ang suspek nga si Terso Quiño, 48 anyos, lumulupyo sa Sitio Quimasog, Brgy. Marilog.
Subay sa imbestigasyon sa kapulisan, nakipyesta ang suspek sa balay sa usa ka Violeta Padernal, 59 anyos.
Pagsaysay sa testigo nga anaa sa maong panghitabo, parehong hubog ang suspek ug ang biktima nga giilang si Lojardo Aguio Andip Jr., 45 anyos, taga-Brgy. Birada, Kidapawan City.
Pagkataod-taod, nagbangi ang duha, dihang kalit na lamang gidunggab sa suspek ang sa tuo nga bahin sa dughan sa biktima, nga nagresulta sa iyang hinaling kamatayon.
Gilayong nitahan sa mga otoridad ang suspek sa police station ug gisurrender ang 11 ka pulgadang kutsilyong gigamit sa pagpamatay.
Tanggong sa prisohan sa Marilog Police Station ang suspek nga si Quiño samtang gihaya na sa usa ka punerarya ang patayng lawas sa biktima.
via || Bombo LJF
