DAVAO CITY – Dead on the spot ang usa ka lalaki sa may Purok 4-A, Brgy Sto Niño, Carmen, Davao del Norte, human madisgrasya sa iyang gisakyang motorsiklo samtang mupadulong unta kini’g Carmen Proper, kagahapon sa kaadlawon.
Sumala pa, naabtan sa Carmen Municipal Police ang usa ka wa mailihing lalaki nga naghigda na lamang sa kadalanan.
Sigun sa imbestigasyon sa kapulisan, aksidenteng nahulog gikan sa iyang gisakyang motorsiklo hinungdan sa pagkahiagum ug mga samad-binalian sa lawas.
Gibalikan hinuon sa driver ang maong sakay ug gisulayan pa niini nga mahibalik ang iyang kinabuhi apan niikyas kini human mahibal-an nga wala na kini nag-ginhawa.
Gidali-dali ug dala sa usa ka ospital sa Carmen ang biktima apan gideklara na kining dead on arrival.
Kasamtangan nang gipangita sa Carmen Municipal Police ang maong driver sa motorsiklo nga nakadisgrasya sa maong lalaki.
via || Bombo LJ Florendo
