DAVAO CITY – Gitanggong sa Bansalan Municipal Police Sation ang usa ka lalaki nga nakitaan ug pusil ug ilegal nga droga atol sa usa ka operasyon sa Purok Nelom, Sityo Balutakay, Managa, Bansalan, Davao del Sur.
Kana gumikan sa usa ka sumbong nga nadawat sa kapulisan batok sa 40 anyos na suspek nga si Joel Arobo Albofera.
Wala na gipalagpas pa sa mga otoridad ang maong reklamo busa ila kining giadto sa iyang balay. Pagsuta sa mga pulis sa black bag nga iyang ginakupot, usa ka homemade nga single shot pistol ang nakuha kang Albofera ug laing 5 pa ka mga bala sa M16 ang ilang nasignit.
Samtang lain pang gidudahang pinaugang dahon sa marijuana sab ang ilang nakuha gikan sa iyang disposisyon.
Gipasakaan na ug mga kasong pagsupak sa Republic 9165 kon Comprehensive Dangerous Drugs Act of 2002 ug Republic Act 10591 kon Comprehensive Law on Firearms ang maong suspek.
via || Bombo LJ Florendo
