DAVAO CITY – Wala na makapalag atubangan sa mga sakop sa Baliok Police ang gidudahang tulak nga si alyas “Sho”, 24 anyos, human nasikop kini nga nalambigit sa pagbaligya ug ilegal nga droga atol sa buy-bust operation nga gipahigayon sa iyang tugkaran sa Barangay Dumoy, Talomo District, Davao City.
Nakuha gikan sa disposisyon ang kapin sais punto singkwentay syete ka gramos sa gidudahang shabu nga nagkantidad ug kapin P91,000, usa ka supot nga nag-unod ug gituohang pinaugang dahon sa marijuana nga singko punto nobentay nuebe ang gibughaton ug mubalor sa kapin P890 ang kantidad, ug usa ka kalibre punto trentay otso nga pistola.
Nagbangutan karun ang suspek sa Baliok Police Station ang suspek nga mag-atubang ug mga kasong paglapas sa Republic Act 9165 kon Comprehensive Dangerous Drugs Act of 2002 ug Republic Act 10591 kon Illegal Possession Of Firearms And Ammunitions.
VIA || Bombo LJ Florendo
