DAVAO CITY – Napugngan sa Toril Police ang usa ka lalaki nga naghupot ug armas atol sa checkpoint sa Task Force Davao sa Barangay Sirawan, Toril District, Davao City sa miaging adlaw.
Subay sa ilang report, gihiling sa mga personahe sa Task Force Davao nga mukanaog gikan sa iyang gimanehong sakyanan ang suspek nga si Kamar Ali Udtog, 42 anyos ug lumuluyo sa Purok Mauswagon, Barangay Banali, Pagadian City.
Pagsulod sa inspection, nasuta nga nag-unod ang sakyanan ug usa ka kalibre punto kwarentay singko nga Colt Combat Commander pistol ug siyam ka mga buhing bala.
Wala sab gikapakitang dokumento ang suspek nga nanag-iya sa maong pusil.
Gihatod na ang suspek sa Toril Police Station ug posibleng mapasakahan kini ug kasong Republic Act 10591 kon Illegal Possession Of Firearms And Ammunitions.
VIA || Bombo LJ Florendo
