DAVAO CITY – Tanggong sa prisohan ang lalaking nanunggab sa usa ka negosyante sa Purok Escalante, Brgy Managa, Bansalan, Davao del Sur.
Sumala sa imbestigasyon sa Bansalan Municipal Police, personal nga nidangop sa kapulisan ang 41 anyos nga biktimang si Reneboy Albino Sandag, human siya nadunggaban sa suspek dapit sa iyang walang bahin sa mata ug sa nagkalain-laing parte sa lawas.
Matud pa sa biktima, natulog ang biktima dihang misulod ang suspek sa iyang tugkaran nga lango sa ilimnong makahubog.
Nakamatngon pa ang biktima ug gisulayan pa sa pagpugong niini sa suspek hinungdan sa iyang pagkahiagum ug samad dinunggaban.
Nagpahigayon kagahapon sa kaadlawon ug operasyon ang kapulisan sa balay sa suspek nga si Edgardo Tillo Algabre, 43 anyos, biyudo nga taga-Paraiso, Tulunan, North Cotabato.
Prisohan ang nahimong kapaingnan sa dinakpan ug gilauman ang kasong Physical Injury nga ipasaka batok kaniya. Kasamtangang nagpaayo sa balay tambalanan ang biktima.
via || Bombo LJ Florendo
