DAVAO CITY – Milusad ug mas lawum nga imbestigasyon ang kapolisan sa mga dunay katahapan nga lihok sa Times Beach Ecoland gumikan sa carnapping incident niadtong Dominggo sa gawas nga bahin lamang sa usa ka laudry shop.
Sumala pa kang Police Chief Inspector Ronald Lao, Station Commander sa Talomo Police Station nga gipanag-iya ang nahisgutan nga sakyanan sa usa ka Princes Carl Sumampong, residente sa Times Beach Ecoland, ning dakbayan.
Sumala kang Lao nga posible nga residente lamang doul sa lugar ang responsible.
Nakuha-an ug footage sa CCTV sa gawas sa laundry shop ang suspek nga midala sa multi-cab, apan nagkalo kini ug nagtabon sa iyang nawong.
Sumala kang Lao nga timailhan kini nga sweto sa dapit ug sa location sa mga CCTV ang suspek.
Daku sab ang purohan nga dunay duplicate sa yawe ang suspek mao nga dali lamang niini nga nadala ang sakyanan gumikan kay paspas niini nablihan ang pultahan sa multi-cab ug mipatoratoy sa pagpadagan sa sakyanan ang suspek.
Hot pursuit operation ang gilusad sa kapolisan aron nga madakpan ang carnapper.
