DAVAO CITY – Usa ka lalaking adunay diperensya sa pangisip ang gilayong nanigbas ug tulo ka mga tao sa may Purok Panaghiusa, San Nicolas, Tres de Mayo, Digos City, alas 1:40 sa hapon niadtong Lunes, Pebrero 27.
Giila ang suspek nga si Eusebio Renegado Belegolo, 48-anyos, residente sa nasangpit nga lugar.
Gamit ang lagaraw, usa ka hait nga hinagiban way duha-duha nga nanigbas ang suspek nga sumala pa nag amok kini.
Duha ka menor de edad ug usa ka senior citizen ang biktima.
Giila ang biktima nga sila si John Lloyd Dokis Villacorte, 15-anyos; Jaybee M. Solis 16-anyos; ug si Rosita T. Constantino, hamtung ang pangidaron puros residente sa maong dapit.
Dali dayong gisapupo sa balay tambalanan ang mga biktima tungod sa nahiaguman nga samad tinigbasan niini.
Samtang, alas 2 sa hapon sa susamang adlaw nasikop ang suspek ug narekober sa iyang posisyon ang lagaraw nga gigamit sa krimen ug kasamtangan nakakustodiya karon sa Digos City Police Station.
via || Bombo BCA
