Nakurat ang usa ka lalaki sa Thailand human niyang pag-abli sa iyang gipalit nga ice cream ug nakit-an ang usa ka bitin nga naputos pa sa yelo.
Ang insidente nahitabo niadtong Marso 4, diin imbes magbagulbol, cool ra nga gi-upload sa lalaki ang hulagway sa Facebook.
Wala madugay, ni-viral kini ug nakadawat og liboan ka reaksyon, komento, ug pagpaambit gikan sa mga netizens.
Ingon man, dili pa sigurado kung giunsa napasulod ang maong bitin sa ice cream, apan daghang nagtag-an nga kini posibleng usa ka golden tree snake (Chrysopelea ornata), usa ka makahilo nga matang sa bitin nga makita sa daghang nasud sama sa India, Thailand, ug Vietnam.
Samtang, ang ulo sa itom-ug-yellow nga bitin klaro kaayong makita sa hulagway, nga nakapukaw sa kasuko ug kataw-anan nga reaksyon sa mga netizens.
Gani, ang uban nagbinuang nga basin buhi pa kini kung matunaw, samtang ang uban misulti nga “dugang protina” lang kini.
Sa kinatibuk-an, nagpabilin nga wala pay opisyal nga pahayag gikan sa mga awtoridad ug sa kompanya sa ice cream bahin sa insidente.
Apan kini nagbutang og dakong kabalaka sa publiko bahin sa kalidad ug kaluwasan sa pagkaon nga gibaligya sa merkado.
