Mitala ug world record ang 24-anyos nga lalaki sa Nigeria homan kini ang nagdula ug video games sulod sa tulo ka adlaw.
Gikumperma sa Guinness World Records nga si Oside Oluwole o mas naila sa alyas nga Khoded, ang pinakabag-ong world record holder sa titulong “Longest Videogame Marathon Playing a Soccer Game”.
Kini human nga nagdula kini sa video game nga Dream League Soccer 2023 sulod sa tulo ka adlaw.
Aron dili makadaot sa iyang panglawas, gitugutan sa Guinness si Oside nga makabaton ug lima ka minutong break sa matag usa ka oras nga pagdula sa video game.
Mamahimo usab tapukon ang break time aron gamiton kini sa pagtulog ug pagpadulong sa comfort room.
Ang nahisgutan ang usa ka qualified biochemist apan nagtrabaho kini isip car dealer.
Gihimo niini ang record attempt aron makatigom ug donasyon alang sa hospital sa ilahang lugar nga nahimutang sa southwestern Nigeria
