-- ADVERTISEMENT --
DAVAO CITY – Patay diha-diha dayon ang usa ka lalaki nga naigo sa mipaka nga kilat samtang naggunit sa linya sa kuryente alas 7:00 ang takna sa buntag kagahapon sa Barangay Catigan, Toril, Davao City.
Sa report gikan sa Toril Police Station, giila ang biktima nga usa ka Alejandro Dalon Ugos, 21 anyos, ulitawo, mag-uuma, residente sa nahisgotan nga dapit.
Subay sa imbestigasyon sa kapolisan, gisugo ang biktima sa iyang magulang nga itaod ang linya sa kuryente sa iyang payag apan dihang gigunitan niini ang wire mao sab ang pagigo sa kilat nga derekta naigo sa wire ug mikatay padulong sa iyang lawas.
Nalagpot pa ang biktima ug didto na kini nakabsan sa kinabuhi. Kasamtangan nga gipahiluna ang biktima sa iyang kabanay.
