Dead on the spot ang usa ka lalaki human nga gi-abis ang liog niini sa iyahang higala sulod sa usa ka balay kagahapon sa buntag ganit ang sanggot.
Subay sa report sa mga otoridad, nahitabo ang brutal nga pagpatay ngadto sa biktima sa Sitio Banban, Brgy. Looc, Villanueva, Misamis Oriental kagahapon sa buntag.
Sa inisyal nga imbistigasyon sa mga otoridad, gisamokan sumala pa ang wala panganli nga suspek sa sige og kanta sa iyahang higala.
Sumala pa sa igsuon sa suspek nga si Narciso nga miangkon kini sa pagpatay sa iyahang higala tungod napungot ug nadisturbo na kini sa sige og pagkanta nga bisan og wala sa tono kon yabag.
Dugang pa sa igsuon sa suspek, nga nagbalik-balik sumala pa ang gikanta sa biktima nga maong iyahang gikasuko.
Sa pagkakaron, nagpadayon pa ang gihimong imbestigasyon sa Villanueva Municipal Police Station aron nga matumbok pa ang laing motibo sa brutal nga pagpatay sa suspetsado.
