DAVAO CITY – Dakpan sa mga sakop sa Hagonoy Municipal Police Station ang usa ka 33 anyos nga lalaki kinsa dugay na nga gipangita sa otoridad gumikan sa kaso nga iyang gi-atubang.
Kahinumduman nga una ng gipangunahan ni Police Lieutenant Joselito A Cortes, Officer In-Charge sa Hagonoy Municipal Police Station ug mga sakop sa Tagum City Police Station ang operasyon hinungdan nga malampuson nila nga nasikop ang usa ka Wanted Person sa Sitio Timog, Brgy. Madaum, Tagum City.
Una ng giila ang suspek nga si Gerald Vitor Medallo, 33 anyos, residente sa Purok Santol, Paligue, Hagonoy, Davao del Sur.
Nadakpan ang nahisgutan gumikan sa gipagulang Warrant of Arrest nga gi-isyu ni HON. LOPE L. CALIO, Acting Presiding Judge RTC Branch 20, gumikan sa kasong ESTAFA ug temporaryo lamang kini nga makagawas kung makaduso ug piyansa nga P36,000.00.
Nanawagan sab ang kapulisan sa Hagonoy nga makiglambigit lamang kanila sa higayon nga adunay masayran sa mga tawo nga nalambigit sa krimen.
