-- ADVERTISEMENT --
DAVAO CITY – Nagpadayon ang man hunt operation batok sa usa ka lalaki nga nagtanom ug marijuana sa iyang tugkaran.
Una ng nagpahigayon ug operasyon ang mga sakop sa kapulisan sa Davao del Sur Provincial Police Office ug girumbo ang lugar sa Sitio Mainit Kapatagan Digos City diin nanimuyo ang suspek nga nailang si Giovanni Dulay alyas Ban-ban apan wala kini naabtan sa kapulisan.
Positibo nga narekober sa otoridad ang walo ka mga punoan sa marijuana nga gibutang sa plastic bag.
Gipanglarot kini sa kapulisan ug gikustodiya ang mga marijuana sa Davao del Sur Provincial Crime laboratory alang sa ipahigayon nga eksaminasyon samtang gi-andam na ang kaso nga iduso batok sa suspek.
