DAVAO CITY – Patay atol sa gilusad nga drug buybust operation ang usa ka Paul John Polinar 36-anyos, residente sa Sitio Narra, Ecoland, Brgy. 76-A ning dakbayan sa Davao sa mga operatiba sa Toril PNP ilalom sa pagdumala ni PMaj. Michael Uyanguren, Station Commander.
Nahitabo ang operasyon pasado alas 4:00 kagahapon sa hapon sa nahisgutan nga lugar.
Sa gipahigayon nga imbestigasyon, nasayran sumala pa sa suspek nga pulis ang iyang ka-transaksiyon hinungdan nga mibunlot kini sa iyang .38 nga rebolber ug misukol ngadto sa mga operatiba.
Sa gihimong pagpanubay sa otoridad sa crime scene ang mga pakete sa gituohang iligal nga druga ug kwarta ug lakip na ang revolver nga dunay mga bala.
Una ng gibutyag sa asawa sa biktima nga si Jennelyn nga maayo ang iyang bana apan gi-angkon niini nga nalambigit sab sa ginadili nga druga ang nahisgutan.
