DAVAO CITY – Gi-andam na sa kapulisan ang iduso nga kaso batok sa usa ka 31 anyos nga lalaki kinsa nasikop sa mga sakop sa Bunawan PNP sa gilusad nga drug buy bust operation kagahapon sa buntag.
Naila ang dinakpan nga si Leonard Javison residente sa Shariff Kabunsuan Rosary Heights III Cotabato City diin gawas sa shabu, nakuhaan sab kini ug armas.
Atol sa paglabay niini sa Checkpoint sa Task Force Davao ug Bunawan PNP, gipailaom ang nahisgutan sa inspeksiyon nug narekober gikan sa iyang posisyon ang usa ka Colt Caliber .45 pistol ug tulo ka mga sachet sa gituohang shabu.
Sa pakighinabi kang Police Major Noel Villahermosa, station commander sa Bunawan PNP gikanayong motimbang ug 12grams ang mga pakete sa ginadili nga druga nga kantidad sa 81,600 pesos.
Ipasaka sa dinakpan ang kalapasan sa RA 9165 Comprehensive Dangerous Drugs Act of 2002 ug RA 10591 Illegal Possession of Firearms.
Kasamtangan karon nga gipaslak sa presohan ang suspek ug gikustodiya na sab sa otoridad ang nakumpiskang ginadili nga druga ug armas gikan sa suspek nga magsilbing ebidensiya batok niini.
