DAVAO CITY – Walay undang ang operasyon sa kapulisan batok sa mga indibidwal nga nalambigit sa illegal nga druga.
Kahinumduman nga dakpan sa mga otoridad sa Talaingod Davao del Norte atol sa operasyon ang usa ka alias “Dodoy” hamtong ang pangidaron diin narekober sa iyang posisyon ang mga ebidensiya nga gilangkuban sa mga pakete sa illegal nga druga ug buy bust money.
Dali sab dayon nga gidala sa Kapalong District Hospital-Kapalong Zone alang sa medical examination ug temporaryo kini nga i-kustodiya sa estasyon alang sa tukma nga disposisyon.
Padayon sab nila karun nga gimonitor ang uban pang mga indibidwal sa ilang Area of Responsibility (AOR) nga nalambigit sa susama nga mga binuhatan aron nga ila gilayon kini nga marespondehan.
Nanawagan sab si COP PCPT ELFREN N BARREDO sa publiko nga padayong makiglambigit kanila sa ilang kampanya batok illegal nga druga.
