DAVAO CITY – Nagpahimangno karon ang otoridad sa mga nagmaneho ug motorsiklo nga maghinay-hinay lamang sa pagbiyahe aron nga makalikay sa disgrasya.
Kini human ang gidangatan sa usa ka lalaki nga nakabsan gilayon sa iyang kinabuhi human nga nabanggaan ug sakyanan samtang gilatas ang National Highway sa Brgy Darong, Sta Cruz. Davao del sur.
Naila ang biktima nga nagmaneho sa iyang motorsiklo nga si Junie Engaud,negosyente ug residente sa Brgy Cebulan Sta. Cruz Davao del Sur ug usa ka indibidwal nga nailang si Roger G. Escalante, 53 anyos, minyo, driver ug residente sa Matina ning dakbayan ug ang nagmaneho sa metallic gray Nissan Terra SUV nga si Michael Ryan L. Bantayan, 44 anyos, salesman ug nanimuyo sa B20 Lot 114 Catalunan Pequeño, ning siyudad.
Sa inisyal nga imbestigasyon, nakaparada ang biktima sakay sa iyang motorsiklo sa lugar diin nahitabo ang insidente samtang ang sakyanan gikan sa inner lane paingon sa amihanan nga bahin dihang nawad-an sumala pa kini ug kontrol ug mideretso sa gikabutngan sa mga biktima hinungdan nga nakaangkon kini ug grabe nga injuries sa lawas.
Dali nga gipangdala sa MDRRMO, Sta Cruz ambulance paingon sa Provincial Hospital, Digos City ang mga biktima alang sa medical treatment apan gideklara ang driver sa motor nga si Junie nga dead on arrival sa doktor.
Anaa karon sa kustodiya sa Sta. Cruz Municipal Police station ang driver sa sakyanan alang sa tukma nga disposisyong napasakahan na sab kini ug kaso.
