DAVAO CITY – Nagmaneho lamang sa iyang motorsiklo ang usa ka lalaki sa Purok Santol, Barangay La Filipina, Tagum City, Davao del Norte, sa dihang gipusil kini sa wa mailhing suspetsado kagahapon sa buntag.
Napalgan na lamang sa kadalanan ang patayng lawas ni Raymund Laguna Amper, 33 anyos, lumulupyo sa Purok Pag-asa, Mesaoy New Corella, Davao del Norte.
Subay sa imbestigasyon sa Tagum City Police, uban niini ang iyang uyab padulong sa sentro sa syudad, apan, giatngan siya sa suspek sa dalan ug dihang kalit siyang gipusil sa suspek sa ulo hinungdan sa iyahang hinaling kamatayon.
Luwas sa kasamtangan ang iyang uyab apan nakaikyas gikan sa crime scene ang maong suspek nga nasutang padulong sa direksiyon sa Barangay Magugpo West sakay sa usa ka motorsiklo.
Nagpahinabo gihapon ang imbestigasyon alang sa posibleng motibo sa suspek sa maong krimen.
VIA || Bombo LJ Florendo
