-- ADVERTISEMENT --
DAVAO CITY – Wala nakalusot sa mga sakop sa Task Force Davao si Ricardo Palen, 35 anyos, lumulupyo sa Purok 6, Siocon, Compostela, Davao de Oro, sa dihang nakitaan kini ug marijuana kagahapon sa kaadlawon sa usa ka checkpoint sa Barangay Lasang, Davao City.
Nagsakay ang maong suspek sa usa ka pampasaherong bus padulong Davao City sa dihang niagi kini sa maong checkpoint.
Naghupot ang maong suspek ug duha ka pakete sa gidudahang pinaugang dahon sa marijuana nga dos punto saisentay singko gramos ang gibughaton ug gibanabanang nagkantidad ug P42,000.
Natanggong karun sa selda ang suspek sa salang pagsupak sa Republic Act 9165 kon Comprehensive Dangerous Drugs Act of 2002.
via || Bombo LJ Florendo
-- ADVERTISEMENT --
