Nakamugna ug rekord sa kalibutan ang usa ka lalaki sa Estados Unidos gumikan kay nakahimo kini sa pagbisita sa tanang kanasuran sa kalibutan lakip na niini ang mga pinakakuyaw nga nasud!
Gikumperma nga si Indy Nelson mao ang pinakabag-ong world record holder sa titulong “Most Airlines Flown On”.
Kini homan nakasakay sa mosobra sa 170 ka mga unique airlines sa tibuok kalibutan.
Homan naka-graduate ang nahisgutan sa kolehiyo, mikuha kini ug loan nga mubalor sa $80,000 kun mosobra sa P4 million aron gamiton kini sa iyahang mga around the world travel.
Matod pa ni Indy, dili dali nga makab-ot niini ang nahisgutang rekord gumikan kay nahimong hagit kaniya ang pagbisita sa mga nasud nga adunay giyera ug adunay mga conflict zones.
Matod pa usab niini nga kung “cool” lantawon nga daghang tatak sa nagkadaiyang nasud sa passport niini, usahay nahimong disadvantage usab kini gumikan kay upat kahigayon kining gidudahan sa mga immigration officers sa Iran, Libya, Papua New Guinea ug Russia nga usa siya ka international spy gumikan sa kadaghan sa mga naadto-an niining nasud.
Ang nagustuhan usab niining nasud nga nadto-an mao ang Cambodia gumikan sa unique nga kultura ug buotan usab ang mga tawo.
