DAVAO CITY – Balhug karon sa presohan ang usa ka lalaki nga nag-atubang ug tulo ka ihap sa kasong kalapasan sa Republic Act. 9162.
Mismong ang mga personahe sa Hagonoy PNP sa pagpanguna ni Police Capt. RENFREDO AROBO DACALOS, Deputy Provincial Chief ang mitunol sa warrant of arrest batok kang alyas “diding”, 37 anyos, minyo, laborer ug residente sa Purok 5, Leling, Hagonoy Davao del Sur.
Nag-atubang ang nahisgutan ug 3 counts sa kasong R.A. 9262 o violation against women and their children nga gi-isyu ni Hon. MARIVIC A. TRABAJO-DARAY Presiding judge sa RTC 11, branch 18, Digos City, Davao del Sur nga adunay petsa nga November 6, 2020 sa Purok 5, Almendras District, Padada, Davao del Sur. Temporaryong makagawas sa presohan ang suspek kung makabayad ug P2, 000.00 sa matag reklamo.
Temporaryo kini nga gibalhug sa presohan alang sa tukma nga disposisyon.
Nasayran nga kalakip ang dinakpan sa listahan sa Most Wanted Person sa kapulisan.
