DAVAO CITY – Balhug na karon sa presohan ang usa ka lalaki nga mipasutoy ug padagan sa iyang sakyanan human nga namatikdan sa kapulisan nga aduna kini dala nga illegal nga druga.
Una ng milatas ang suspek nga nailang si Roy Conrad Tabacon Calzada, 39 anyos nga taga Brgy. Mankilam, Tagum City sa checkpoint sa Task Force Davao, sa Tibungco, Davao City. Atol sa pagrekisa kaniya, kalit na lamang kini nga nagpasutoy ug dagan hinungdan nga gigukod kini sa kapulisan ug gipabuthan sa kapulisan ang ligid sa sakyanan niini aron lamang mohunong.
Midiretso ang gimanehong sakyanan sa suspek sa usa ka gasolinahan.
Nagpadayon karon ang gipahigayon nga imbestigahan sa otoridad sa maong insidente.
Gidala sa balay tambalanan ang suspek apan kung maayo na ang kahimtang niini, ipaslak na kini sa Bunawan PNP ug pasakahan ug kasong paglawas sa Republic Act 9165 kun Comprehensive Dangerous Drugs Act if 2002.
Narekober gikan sa posisyon niini ang duruha ka mga pakete sa illegal nga druga nga kantidad sa P60,000.
