DAVAO CITY – Nagpabilin karun sa kustodiya sa San Isidro Municipal Police station lalawigan sa Davao del Norte ang usa ka lalaki nga gisikop tungod sa kaso nga iyang gi-atubang.
Una ng naila ang dinakpan nga si alyas Biok 36 anyos, mag-uuma, lumulupyo sa Prk 7, Kasilak, Brgy Linao, San Isidro Davao del Norte.
Una na matud pa nga gireklamo ang nahisgutan human nga gilugos sumala pa niini ang usa ka menor de edad sa milabay nga Marso 28, 2022.
Sa inisyal nga imbestigasyon sa kapulisan, nasayran nga ang biktima ang paryente sa asawa sa suspetsado.
Nagpasalamat ang pamunoan sa San Isidro PNP ngadto sa komunidad gumikan kay padayon kini nga nakiglambigit kanila hinungdan nga dali nila nga nasikop ang suspek.
Naglaum ang otoridad nga unta magpadayon ang publiko sa paghatag kanila ug suporta aron nga batukan ang mga kriminalidad sa katilingban.
