DAVAO CITY – Padayon nga gitambalan sa Southern Philippines Medical Center (SPMC) ang usa ka laborer nga usa ka Eber Mabungal, 32 anyos, residente sa Balusong Matina ning dakbayan sa Davao nga gidunggab sa wala mailang suspek samtang naglakaw lamang uban ang iyang hinigugma dapit sa Bankerohan, ning dakbayan sa Davao.
Subay sa imbestigasyon sa San Pedro Police natigayon ang pagpanunggab alas 11:30 kagabii samtang nagbaktas lamang ang biktima uban sa iyang hinigugma nga naila nga usa ka alyas Jane dapit sa usa ka lodging in dapit sa Quirino ug usa ka wala maila nga lalaki ang midunggab sa biktima nga naigo sa ubos nga bahin sa iyang likod ug sa taas nga bahin sa iyang tuo nga dughan.
Human sa pagpanunggab dali sab dayon nga miikyas ang suspek. Padulong sa Marfori Area.
Naatol sab nga dunay mga bystanders ug nangayo ug tabang ug nangayo ug police assistance sa San Pedro Police Station ug sa Central 911.
Padayon pa nga gipanid-an si Mabungal sa SPMC, samtang blangko pa ang San Pedro Police kung kinsa ang suspek ug ang motibo sa nahisgutan nga pagpanonggab.
