DAVAO DEL SUR – Dead on the spot ang usa ka lalaki human kini pusila sa wala mailhing suspetsado sulod mismo sa pinuy-anan niini sa Purok Maligaya B, Sitio Lawis, Barangay Bato, Sta. Cruz, Davao del Sur, bandang alas-4:30 Martes sa hapon, Mayo 28.
Subay sa taho sa Sta. Cruz PNP, giila ang biktima si Eduardo Nebres Jr., kinsa nakahiagom ug samad pinusilan sa nagkadaiyang parte sa iyang kalawasan. Samtang giila sab ang kapuyo niini nga si alyas Lenie.
Nasayran sa imbestigasyon, samtang nangape lamang sa gawas sa panimalay nila Eduardo, usa ka lalaki ang namaligya sa biktima og solar light.
Apan, nibalibad ang biktima maong nakasulod kini sa ilahang balay nga naghupot og kalibre .45 nga pusil ug gipuslil gilayon ang biktima sa makadaghang higayon. Nakuha sa crime scene ang 4 na basyo sa pusil ug 2 fired bullets.
Gihaya na sa punerarya ang patayng lawas sa biktima samtang gipanubayan sa kapulisan ang pag-ila sa wa mailhing suspetsado.
via || Bombo LJF
