DAVAO CITY – Napalgang patay ang usa ka lalaki sa mga kadalanan sa Purok 5, Crossing Balintong, Davao-Bukidnon Road, Barangay Riverside, Calinan, Davao City.
Subay sa imbestigasyon sa Calinan Police, ninaog lamang gikan sa gisakyang PUJ sa taknang alas nuwebe sa gabii ang 21 anyos nga si Nelson Cańada Ochada nga taga Purok 3, Brgy Riverside ning dakbayan.
Apan, pagkanaog gikan sa iyang gisakyan, gipusil patay kini sa wala mailhing suspek.
Nasayran sab nga una diay nadakpan ang nahisgutang biktima sa miaging adlaw sa salang pagpangawat ug motorsiklo bag-o pa ang nahitabong krimen.
Nakuha gikan sa crime scene ang usa ka basyo sa bala sa punto kwarentay singko nga pistola nga gituohang gigamit sa suspek sa maong pagpamatay.
Ginasuta pa sa kapulisan ang motibo sa maong insidente.
via || Bombo LJ Florendo
