DAVAO CITY – Usa ka lalaki ang gipusil sa wa mailhing suspek sa iyang balay sa Purok 1, Barangay Tologan, Hagonoy, Davao del Sur, sa miaging gabii. Giila ang 42 anyos nga biktimang si Victor Anuada Macarayo, lumlupyo sa maong dapit.
Subay sa imbestigasyon sa Hagonoy Municipal Police, nagduyan-duyan lamang ang biktima gawas sa ilang panimalay sa dihang miabot ang wa mailihing armado ug dayong gipusil siya sa lima ka higayon.
Nakahiagum ug samad pinusilan ang biktima sa lain-laing bahin sa lawas maong dali-dali kining gidala sa balay-tambalanan.
Nasignit sa kapulisan gikan sa crime scene ang duha ka basyo sa bala nga gituohang gigamit pagpamusil sa suspek. Kasamtangang nagpaayo ang biktima sa usa ka ospital sa Digos City.
via || Bombo LJ Florendo
