Gipasakahan og kaso sa mga otoridad ang usa ka lalake human nga nasakpan kining nangilad nga daw giholdap matud pa siya og gitiunan og pusil sa Lawig, Barangay San Agustin, Samal Island, Davao del Norte, kagahapon sa buntag.
Gumikan sa dili tinuod nga sumbong, dali sab nga mialerto ang mga sakop sa IGACOS PNP, rason nga nagdala og traffic ngadto sa ilahang dapit.
Apan, sa dihang ginasukit-sukit na kini og pangutana ang nahisgutan, nagduda na matud pa ang kapulisan, gumikan lahi-lahi na ang ginatubag sa maong lalake.
Sa wala madugay, mitug-an ra usab kini nga dili tinuod nga giholdap siya.
Apan desidido gihapon ang kapulisan nga pasakahan kini og kasong paglapas sa Presidential Decree 90 kon Declaring Unlawful Rumor-Mongering and Spreading False Information ang nahisgutan.
Nag-awhag sab karun ang IGACOS PNP, nga likayan ang magmugna og dili tinuod nga mga istorya, gumikan maghatag lamang kini og dugang kabalaka og kahasol sa katawhan.
