DAVAO CITY – Nakahiram og pagkaswerte ang usa ka Hapon nga lalake ngadto sa mga Irish og nakabuhat kini og bag-ong Guinness World Record sa pagpatubo og 63-leaf clover.
Ang maong 45-anyos nga lalake ang giilang si Yoshiharu Watanabe nga gisugdan ang cross-pollinating sa clovers sa iyahang panimalay niadtong 2012 nga nagtumong nga mabuak ang world record.
Sigon pa ni Watanabe nga migamit kini siya og kombinasyon sa tugotan ang iyang clover patches nga natural nga mag-pollinate ug mag-pollinate sa kamot niadtong adunay pinakadaghang dahon. Siya miingon nga ang iyang mga pamaagi dili kanunay nga malampuson.
Matud pa niini nga usahay ang ihap sa mga dahon ang moubos o usahay susama gayud sa normal lamang nga three-leaf clover.
Ang maong clover nga namugna ni Watanabe ang adunay 63 ka dahon, diin napildi niini ang kanhing record nga 56 ka dahon nga nabuhat sa susama niining hapon nga si Shigeo Obara sa tuig 2009.
Si Watanabe ang nagkanayon usab nga grabe ang kalipay niini sa pagkabalo nga nakab-ot sa maong clover ang rekord.
