Patay na ang usa ka indibidwal human sa nahitabong pagpamusil ngadto sa usa ka Bote Bakal drayber pasado alas Siyete kagahapon sa buntag sa Bago Oshiro ning syudad.
Sumala pa sa Tugbok PNP nga sa karon padayon pa gihapon matud pa kining ginasubay ang motibo ug suspek sa krimen.
Sa report sa kapulisan, giila ang biktima nga si Lito 46-anyos nga residente sa Purok 5, Brgy Bago Oshiro, Tugbok District ning syudad.
Subay sa imbistigasyon sa kapulisan nahitabo ang pagpamusil samtang nagmaneho ang biktima sa iyahang sidecar.
Sumala pa sa usa ka alias Jay nga usa ka Air force Staff sergeant, nakadungog kini ug buto sa armas gawas sa iyahang gipuy-an ug sa iyahang pagbrepika nakita na niini ang biktima nga nagkadugo nga gikan sa iyahang ulo nga bahin.
Dali kining nanawag ug central 911 aron nga dalon sa ospital ang biktima.
Sa crime scene, narekober ang usa ka basyo sa bala nga iya sa punto kwarentay singko nga pistola lakip usab ang motor ug cellphone nga gipanag-iyahan sa biktima.
Hustisya ang singgit sa pamilya sa lalakeng biktima nga gipusil patay.
