DAVAO CITY – Sikop ang usa ka lalaki atol sa gikasang drug buy-bust operation sa mga sakop sa Toril Police Station sa Brgy, Toril ning dakbayan sa Davao alas 9:52 ang takna kagabii.
Giila ang dinakpan nga si alyas “Kurapika”, 22 anyos, ulitawo, purchaser ug residente sa Brgy. Bato, Toril ning syudad. Sikop ang nahisgutan human kining positibong napalitan og shabu sa usa ka poseur buyer nga pulis.
Gikustodiya na karon sa Toril PNP si alyas “Kurapika” ug gikatakdang mag-atubang og kasong paglapas sa R.A. 9165 o Comprehensive Dangerous Drug Act of 2002.
Ang malampusong operasyon ug pagkasikop sa suspetsado ang ginalantaw sa otoridad nga usa sa mamahimong hinungdan sa pagkunhod sa pagpamaligya ug paggamit sa iligal nga droga dili lamang sa Toril area apan ingon man sa mga nagkadaiyang lugar sa syudad.
