Kabsan sa kinabuhi ang usa ka lalake kagahapon sa hapon human nga mibangga sa usa ka elf truck og nabalintong ang lawas niini sa Diversion Road, Buhangin, ning syudad sa Davao.
Nakuhaan pa ang maong panghitabo sa dash cam diin makita nga kusog matud pang nagpadagan sa iyahang motorsiklo, hinungdan nga wala kini nabantayi nga adunay miliko nga elf truck, rason nga mibangga kini sa tumoy nga bahin sa maong truck og misarasay ang motor niini dayong nabalintong usab ang maong biktima nga gituohang naugbok ang ulo.
Sa karun, padayon pang ginaila ang biktima sa maong panghitabo.
Samtang aduna sab pipila ka mga netizen nga nagkomento nga sumala pa kusog matud pa mukumot sa accelerator aron makapakusog og padagan apan wala na nakakumot sa brake aron unta nga maluwas ang kaugalingon sa maong kapeligrohan.
Subli sab nga nagpahimangno karun ang mga otoridad nga kanunay gayud nga mag amping, ingun man mahimong defensive driver sa tanang higayon, aron malikayan ning susamang insidente.
