Laing sunog sa Barangay 22-C ning dakbayan, dali nga girespondehan sa mga residente

DAVAO CITY – Mibati ug tumang kakuyaw ang mga residente sa Brgy 22-C ning syudad human subling nasinatian ang laing sunog pasado alas 8 sa gabii.

Hinuon daling natabang sa mga residente ug wala na mikatay pa ang kalayo nga nagsugod sa usaka 4 ka andana nga apartment building  atubangan mismo sa Barangay hall.

Tungod sa nerbyos nakuyapan sumala pa ang tag iya sa maong gambalay.

Hinuon, walay natalang nakabsan sa kinabuhi atol sa maong insidente. Kahinumdumang usa ka simana lang ang milabay human nahitabo ang dagkong sunog sa Barangay 21-C ug 22-C ning dakbayan diin naugdaw ang nasa lapas usa ka libo nga kabalayan.