Laing pagkunhod sa presyo sa petrolyo, magsugod karong Marso 18, 2025

Makasinati na usab og laing rollback sa presyo sa petrolyo ang mga motorista sugod sa Marso 18, kini na ang ikatulong sunod-sunod nga semana nga nagpagamay sa presyo sa lana.

Kahinumduman nga sa miaging semana, halos P2 kada litro ang gibagsak sa presyo sa lana.

Mitug-an ang Seaoil ug Shell Pilipinas nga moubos og 20 sentimos kada litro ang diesel samtang 40 sentimos ang pag-ubos sa kerosene.

Ang gasolina, sa laing bahin, magpabilin sa kasamtangang presyo nga sama sa miaging semana.

Gipasaligan sa mga eksperto sa industriya nga ang mosunod nga mga presyo mahimong maapektuhan sa desisyon ni US President Donald Trump sa pagpahamtang og dako nga buhis sa Canada, Mexico, ug China, nga posibleng makapahinay sa pagtubo sa ekonomiya sa kalibutan.