Gibitay sa China ang upat pa ka mga miyembro sa usa ka bantogang pamilyang mafia sa Myanmar.
Sumala pa nga kabahin sila sa Bai family mafia, ang numero unong iladong mga dinastiya nga nagpadagan sa mga scam center sa Myanmar, sumala sa usa ka report sa state media.
Lakip usab sila sa 21 ka mga miyembro ug kaubanan nga gisentensiyahan og kamatayon sa korte sa probinsya sa Guangdong tungod sa pagpanglimbong, pagpatay, kadaot, ug uban pang mga krimen.
Niadtong Nobyembre 2025, gisentensiyahan sa korte ang lima kanila, lakip ang amahan sa nahisgutang banay nga si Bai Suocheng, kinsa namatay usab sa sakit human gisentensiyahan.
Kahinumduman nga sa miaging semana lamang, 11 ka mga miyembro sa mafia sa pamilyang Ming ang gibitay usab isip kabahin sa usa ka crackdown sa mga operasyon sa scam sa Southeast Asia nga nakabiktima na sa liboan ka mga Intsik.
