DAVAO CITY – Laing 92 na sab ka mga delegado sa Tagum City ang nakasinate ug pagpanakit sa ilang tiyan ug pagkalipong hinungdan nga pipila sa mga nahisgutan ang gidala sa Southern Philippines Medical Center (SPMC) kagabie.
Hinuon pipila sa mga tinun-an ang nagpabilin lamang sa ilang billeting areas sa San Roque Elem. School sa Obrero ning siyudad aron nga didto na lamang imonitor ang ilang kondisyon.
Susama nga delegado ang mga nahisgutan sa Davao Regional Athletic Association (DAVRAA) meet 2018 ug hayan nga dili makasalmut ang pipila ka mga tinun-an sa higayon nga dili mobalik sa normal ang ilang kondisyon.
Hinuon paspas nga miresponde ang mga sakop sa 911 aron nga atimanon ang mga estudyante.
Kahinumduman nga una na sab nga nadala sa balay tambalanan ang kapin 30 ka mga tinun-an ug coaches sa mga delegado sa Mati City human mikaon ug leftover nga mga sud-an nga posibleng nakontamina.
