DAVAO CITY – Mag-atubang ug kasong kalapasan sa Republic Act 9165 kun Comprehensive Dangerous Drugs Act of 2002 ang usa ka 30 anyos nga lalaki nga nasikop sa gilusad nga drug buy bust operation sa mga sakop sa Talomo PNP.
Wala nay nahimo ang usa ka Restituto Villagantol, walay trabaho, residente sa Kilometer 5 Guadalupe Corssing Matina ning dakbayan sa Davao dihang gisikop kini sa kapulisan atol sa pagtunol niini sa usa ka pakete nga shabu ngadto sa nagtakuban nga pulis bugti sa P500 nga marked money.
Dihang gihiling sa kapulisan, narekober sab sa posisyon niini ang lain pa nga mga nagkadaiyang gidak-on nga pakete sa shabu nga adunay street value nga P30,000 ingon man cellphone nga gigamit niini sa transaksiyon.
Balhug karon sa Talomo PNP ang dinakpan ug naghulat na lamang nga maresolba ang kaso nga gipasaka batok kaniya.
