DAVAO CITY – Laing batch sa mga bakuna batok covid-19 ang laoman nga moabot sa siyudad ayha matapos ang bulan sa Marso ning kasamtangan nga tuig.
Kahinumduman nga gikumpirma mismo ni Mayor Inday Sara Duterte-Carpio nga nakig-alayon kaniya ang National Government apan dili pa mabutyag niini kung unsa nga klase sa bakuna ang moabot sa dakbayan ingon man pila ka doses ang itagana.
Samtang gikanayon ni Mayor Inday nga wala nila gi-pressure ang National Government kung pila ang ilang i-alokar nga doses sa dinhi sa siyudad.
Subli sab nga gibutyag niini nga nakig-negosasyon ang siyudad sa AstraZeneca alang sa pagpalit sa bakuna ug misaad ang drug firm nga mahatud nila ang 30,000 doses sulod sa third quarter niining tuig kasamtangan.
Apan tungod sumala pa sa dakong demand sa bakuna, laoman sab nga dili gilayon kini mahatud.
