Angol ang usa ka Laborer human nga gidunggab sa iyahang gikalalis samtang anaa kini sa usa ka lamay kaganihang alas Dos sa kaadlawon.
Subay sa report sa mga otoridad, giila ang biktima nga si alyas “Cris” 40-anyos, samtang ang suspek mao si alyas Pablo 61-anyos, traysikol drayber nga residente sa Purok Riverside, Flying A, Zone1, Digos City.
Sa inisyal nga imbistigasyon sa kapulisan, nag-inom sumala pa ang duha samtang anaa sa lamay uban ang ilahang silingan apan sa dihang hapit na mahuman ang inom, gilayon nga nasuko sumala pa ang suspetsado og gidunggab ang biktima sa makadaghan nga higayon.
Wala pa usab masayri kung unsa ang hinungdan sa ilahang gilalisan.
Dali usab nga gidala sa ospital ang biktima tungod sa mga samad dinunggaban nga nahiaguman.
Narekober usab sa crime scene ang gigamit nga hinagiban nga adunay Pito ka sentemetros ang gitas-on.
Sumala pa sa mga otoridad nga kasamtangan karon nga giimbistigahan ang panghitabo nga usa sa mga ginalantaw ang daan na nga bikil sa suspetsado og sa biktima.
Nadakpan usab gilayon ang suspek human sa maong panghitabo nga anaa na karon sa kostudiya sa Digos PNP og mag-atubang kini ug tukmang kaso.
