Mipanaw na ang labing tigulang nga bao nga giila sa pangalan nga si Gramma sa San Diego Zoo.
Nasayran nga nagselebrar kini sa iyahang birthday sa edad nga 141-anyos.
Dul-an usa ka siglo na ang milabay sukad gidala si Gramma sa San Diego Zoo sa California.
Giisip siya nga pinakatigulang nga residente sa zoo, si Gramma nga Galapagos tortoise namatay sa maong pangidaron.
Walay saktong tuig kung kanus-a siya gidala sa zoo, apan ang mga caretaker nagtuo nga niabot siya sa tuig 1928 o 1931.
Aron mahatagan ug perspektibo ang iyahang edad sama sa deklarasyon sa kagawasan sa Pilipinas sa 1898 sa Kawit, Cavite nahitabo 14 ka tuig human sa pagkahimugso ni Gramma.
Si Gramma usa ka paboritong talan-awon sa daghang bisita sa zoo, nga nilatas og pipila ka henerasyon.
Daghang mga komentaryo sa social media sa San Diego Zoo naghinumdum kung giunsa nila pagtan-aw kang Gramma sa ilang pagkabata.
Nag-antos si Gramma sa mga kondisyon sa bukog nga kauban sa katigulangon, nga nagdala sa iyang hinay-hinay nga euthanasia.Ang Galapagos tortoise nailhan sa ilang taas nga kinabuhi.
Sa kalasangan, mabuhi kini hangtod sa 100 ka tuig.
Sa captivity, makabuhi kini dul-an 200 ka tuig.
Ang pinatigulang nga nailhan nga Galapagos tortoise, si Harriet, namuyo hangtod 175 ka tuig sa Australia Zoo. Bisan pa sa taas nilang kinabuhi, giisip gihapon ang Galapagos tortoise nga usa ka endangered species.
Tungod sa kadugay na nga pagpangayam sa mga tortoise, mikunhod ang populasyon gikan sa 250,000 ngadto sa 15,000–25,000 na lamang sa kakahuyan.
Adunay nagpadayon nga ningkamot sa pagpadaghan sa mga tortoise sa captivity.
Bag-ohay lang, nakab-ot ang kalampusan sa Philadelphia Zoo, diin upat ka baby Galapagos tortoises ang natawo niadtong Abril, nga ang ilang mga ginikanan nga dul-an na usab sa usa ka gatos anyos.
