Mipanaw na ang kanhi Presidente sa Uruguay nga si José Mujica sa edad nga 89. Ang kanhing gerilya maoy namuno sa Uruguay gikan 2010 hangtod 2015.
Gitawag siya nga “labingpobre nga presidente sa tibuok kalibutan” tungod sa iyang yano ug simpleng pamuyo.Gipahibalo ni Presidente Yamandú Orsi, ang kasamtangang Presidente sa Uruguay, ang kamatayon ni Mujica.Matod niya, dako ang ilang kasubo sa maong balita.
Wala gibutyag ang tinood nga hinungdan sa kamatayon apan dugay na siyang nag-antos sa oesophageal cancer.Sa panahon sa iyang pagdumala, gilegalisar ni Mujica ang recreational nga paggamit sa marijuana. Sa iyang kabatan-onan, miyembro siya sa National Party, usa sa mga tradisyonal nga partido sa Uruguay nga nahimong centre-right opposition sa iyang gobyerno sa nakalbay nga panahon. Niadtong 1960s, usa siya sa mga nagtukod sa Tupamaros National Liberation Movement (MLN-T), usa ka leftist urban ang guerilla group nga nailhan sa ilahang mga pag-atake, pagpangdagit, ug pagpamatay.
Niadtong panahona, upat ka higayon kining naaresto ug unom ka higayon napusilan nga halos mipatay kaniya. Duha ka hugayon usab siya nga nakasibat sa prisohan pinaagi sa pagtunnel uban sa 105 ka mga MLN-T prisoners.Niadtong 1973, sa dihang nagkudeta ang militar sa Uruguay, naapil siya sa grupo nga gitawag og “siyam ka hostage” diin gitutukan nga ipapatay kung magpadayon pa ang mga gerilyang lihok.
Kapin sa 14 ka tuig siyang napriso gikan 1970 hangtod 1985, sa dihang mibalik ang demokrasya sa Uruguay. Niadtong 2006, nahimo siyang ministro sa unang gobyerno sa Frente Amplio, usa ka leftist coalition, hangtod nga nahimo siyang presidente niadtong 2010 sa edad nga 74.
