Aduna’y pipila ka mga tawo sa China ang namaligya sa ilang mga kuko isip sagol sa tradisyonal nga tambal.
Sumala sa mga report, gigamit kini ingon nga tambal sa tonsillitis ug kasakit sa tiyan sa mga bata.
Ginapalit kini sa mga kompanya gikan sa mga komunidad, ginalimpyoha, ginapa-uga, ug ginahimo nga pulbos sa dili pa isagol sa ilang mga produkto.
Tungod kay limitado lang ang makolekta matag tuig, nagpabiling taas ang kantidad niini.
Gireport sa Kankan News ang bahin sa usa ka babaye nga taga-Hebei nga namaligya sa iyang nakolektang mga kuko online sa kantidad nga 150 yuan o kapin sa P1,200 matag kilo.
Bisan pa man nga misamot ang pagkunhod sa paggamit niini niadtong dekada ’60 tungod sa nail polish, hinay-hinay kini nga nabalik ug nausab nga uso sa paghimo sa tradisyonal nga tambal.
